Alzheimerssjúkdómurinn er hrörnunarsjúkdómur sem aðallega hrjárir fólk yfir sextugt. Hann veldur stigvaxandi hrörnun á heila sjúklingsins og veldur að lokum algerum vitglöpum (dementia) og dauða. Engin lækning er kunn og lítið hægt að gera til að minnka þjáningar þeirra sem hafa hann.

Alzheimers er langalgengsta form ellivitglapa, "kölkunar" og er talið að allt að 8% allra yfir sextugt séu með sjúkdóminn (þessar tölur eru úr bandarískum heimildum og ekki öruggt að þær eigi við á Íslandi) og allt að 50% þeirra sem eru komnir yfir 85 ára aldurinn séu með sjúkdóminn. Dæmi eru um að fólk á fertugs- fimmtugs- og sextugsaldri fái sjúkdóminn, en nú er jafnvel talið að það fyrirbrigði megi rekja til annara orsaka en hinn eiginlegi alzheimers.
Í Bandaríkjunum eru nú um 4 milljónir manna með alzheimers, og er áætlað að um 14 milljónir muni hafa sjúkdóminn um miðbik þessarar aldar. Ef sama hlutfall Íslendinga er með sjúkdóminn og er í Bandaríkjunum má gera ráð fyrir því að 3.000-5.000 manns séu með sjúkdóminn hér á landi og allt að 13-15.000 muni hafa hann um miðbik þessarar aldar. Langt leiddir alzheimerssjúlkingar þarfnast mikillar umönnunar og því er þrýstingur á stjórnvöld og vísindamenn sífellt að aukast um að finna lækningu á þessum alvarlega sjúkdómi.

--Sævar Ingþórsson

Til baka