Parkinsonsveiki
stafar af skorti á boðefninu dópamín í heilanum.
Þetta efni er framleitt í miðju heilans sem nefnist djúphnoðukjarni
( basal ganglia ), nánar tiltekið í svartfyllunni
( e. Substantia nigra ). Svo virðist sem taugafrumur ( nigral cells
) deyi í þessum hluta heilans. Frumur þessar framleiða
dópamín, sem meðal annars flytur hlutum heilans sem stjórna
hreyfingum skilaboð. Þegar frumur deyja í svartfyllinni
framleiðir heilinn ekki nægilega mikið af dópamíni
og veldur það erfiðleikum við stjórnun vöðvaspennu
og vöðvahreyfinga. Yfirleitt þá uppgötvast Parkinsonsveikin
ekki fyrr en 80% af frumunum sem framleiða dópamín eru
dauðar. Parkinsonsveikin getur verkað misjafnlega á fólk.
Hjá sumum ágerist sjúkdómurinn mjög hægt
og geta sumir einstaklingar lifað með honum í mörg ár.
Hjá öðrum getur ferlið gengið mjög hratt fyrir
sig, jafnvel bara nokkra mánuði. Vísindin hafa ekki lært
hvað liggur að baki dauða taugafrumnanna í heilanum.
Flestir vísindamenn eru þó á því
máli að orsökin sé samspil umhverfisaðstæðna
og erfða, en það má sjá meira um rannsóknir
á því í kaflanum um rannsóknir.