Mynd 8. Hjartað og æðar sem tengjast því.
Ósæðin, aorta er stærsta slagæð líkamans og flytur súrefnisríkt blóð frá vinstra hvolfi hjartans út í líkamann, þar sem hún síðan greinist í margar minni slagæðar.
Mynd 9. Stærstu slagæðagreinarnar út frá ósæðarboganum.
Síðan eru stóru bláæðarnar sem bera súrefnissnautt blóð frá stóru hringrás til hjarta, þær kallast efri og neðri holæð, vena cava inferior et superior.
Til vinstri gáttar liggja fjórar lungnabláæðar, venae pulmonalis, tvær frá hvoru lunganu fyrir sig. Þær bera súrefnisríkt blóð frá lungunum.
Hægra hvolf dælir blóði í stofnæð lungna, truncus pulmonalis, æðastofn sem skiptist í vinstri og hægri lungnaslagæðar, arteriae pulmonalis sin et dext. Þær dæla súrefnisríku blóði til lungna.