Undirstúka leikur lykilhlutverk í stýringu á heiladingli, bæði fram og afturhluta hans. Líta má á undirstúku sem miðlara sem tekur við fjölbreytilegum upplýsingum frá taugakerfinu og miðlar því til heiladinguls. Hún og heiladingull stjórna innkirtlakerfinu í megindráttum. Seyti þessa kerfis stýrir starfsemi skjaldkirtils, nýrnahettubarkar og kynkirtlanna. Undirstúkan og heiladingull eru einnig ábyrg fyrir vexti, þvagtemprun þ.e að halda vökva innan líkama og mjólkurseyti.

Flokkur hindrandi og hvetjandi hormóna eru framleidd í undirstúku. Stýra þau framleiðslu og losun hormóna frá framhluta heiladinguls.Einnig myndar undirstúka tvö hormón sem afturhluti heiladinguls losar

Sjúkdómar eða veilur í innkirtlakerfinu stafa af truflun á hormónajafnvægi. Truflun á eðlilegri starfsemi innkirtla greinist ýmist sem ofseyti (hypersecretio) eða vanseyti (hyposecretio).