NÁT 103, kennsluáætlun:

Markmið áfangans:

• Þekki helstu grunnhugtök líffræðinnar og nái að tengja þau við fyrri þekkingu og sitt daglega líf.  Sjá Aðalnámsskrá framhaldsskóla, náttúrufræði hluta.
• Þjálfist í grundvallarvinnubrögðum líffræðinnar, kynnist smásjárvinnu, söfnun gagna, túlkun og framsetningu niðurstaða.
• Þjálfist í nýtingu tölvu- og upplýsingatækni í námi sínu.
• Þrói með sér hæfileika til að vinna á áhrifaríkan hátt í hópum.
• Fái þjálfun í tjáningu og kynningu á efni sem þeir hafa unnið í tengslum við það námsefni sem sett er fyrir.
• Geri sér grein fyrir mikilvægi gagnrýninnar hugsunar og frumkvæði.

Viðfangsefni:

Kynning á undirstöðuatriðum líffræðinnar:  Einkennum lífs.  Lífefnafræði.  Byggingu fruma og lífvera.  Meginflokkun lífheimsins. Erfðum.  Vist- og umhverfisfræði.

Kennslugögn:

• Örnólfur Thorlacius:  Líffræði.  Kjarni fyrir framhaldsskóla.  Iðnú 2001.
• Upplýsingar af ýmsum toga sem nemendur afla sér hvar sem þær er að finna.

Kennsluskipulag:

Áfanganum er skipt í fimm lotur sem nefnast:  Líf, fruma, flokkun, erfðir og vist.  Í upphafi hverrar lotu verður nánar fjallað um markmið hennar og skipulag.  Leitast verður við að nota fjölbreytilegar kennsluaðferðir og virkja nemendur til sjálfstæðrar þekkingaröflunar.

Vinnuáætlun:

 

Vikur:
1.-3.	Líf
4.-6.	Fruma
7.-9.	Flokkun
10.-12.	Erfðir
13.-15.	Vist

Námsmat:

 

Lota:	Verkefni og verklegar æfingar	Hlutapróf
Líf	15%
Fruma	10%	15%
Flokkun	10%	15%
Erfðir	10%	15%
Vist	10%

Allir verða að taka hlutaprófin 3 með lágmarks meðaleinkunn 5 og skila öllum verkefnum á tilsettum tíma.  Ef þessu er ekki fullnægt telst áfanga ekki lokið.

Kennarar:

Guðfinna Björk Steinarsdóttir, líffræðingur
María Björg Kristjánsdóttir, líffræðingur
Sigurlaug Kristmannsdóttir, líffræðingur