Verkefni 2: Mælingar og úrvinnsla á gögnum

Markmið: 

• Að nemendur kynnist mælingum, úrvinnslu gagna og framsetningu þeirra á myndrænan hátt. 
• Að nemendur læri að gera skýrslu um líffræðileg viðfangsefni. 

Framkvæmd:

• Mælið lengd annarrar kjúku á löngutöng vinstri handar og skráið niður. 
• Setjið niðurstöður mælinga hjá öllum í hópnum í töflu.  Gerið annars vegar töflu fyrir kjúkulengd stráka og hins vegar töflu fyrir kjúkulengd stelpna. 
• Setjið fram þá tilgátu að karlmenn séu að meðaltali með lengri aðra kjúku á vinstri hönd en konur. 
• Reiknið meðal kjúkulengd stelpna og stráka. 

Úrvinnsla:

• Teiknið stöplarit sem sýnir stærðardreifingu kjúkulengdar hjá stelpum og strákum. 
• Reiknið % mun á meðaltali kjúkulengdar stráka og stelpna. 

Skýrsla: 

Skrifið skýrslu með eftirtöldum köflum:
 

• Inngangur.  Gerið grein fyrir tilgátunni sem sett er fram. 
• Efni og tæki.  Gerið skrá yfir efni og tæki sem notuð eru við mælingar. 
• Framkvæmd.  Lýsið framkvæmd mælinga. 
• Niðurstöður.  Hér á að birta niðurstöður mælinga í töflum (það er niðurstöður flokkaðar eftir stærðarflokkum) og meðaltöl kjúkulengdar hjá strákum og stelpum. 
• Úrvinnsla.  Hér birtast stöplaritin og útreikningar á % mun á meðaltali kjúkulengdar hjá strákum og stelpum. 
• Túlkun niðurstaða.  Fjallið um það hvort niðurstöður mælinga styðja tilgátuna eða ekki. 
• Skekkjur og mat.  Er möguleiki að skekkjur í mælingum geti haft áhrif á niðurstöður?