Markmið:
- Að nemendur afli sér þekkingar um viðfangsefni
tengd vist-og umhverfisfræði.
- Að nemendur þjálfist í sjálfstæðum
vinnubrögðum við öflun upplýsinga og notkun þeirra við lausn flókinna viðfangsefna.
- Að nemendur þjálfist í framsetningu upplýsinga.
- Að nemendur læri að vinna með öðrum.
Verkefnið:
Eftirfarandi
fyrirsögn kom fyrir í dagblaði hér á landi fyrir skömmu síðan:
“Kæfir mannkynið sig í mengun”
Það
er nú svo komið að við, mannkynið í dag, njótum þess vafasama heiðurs að láta
frá okkur mesta úrgang sem þekkst hefur. Samfara þróun iðnaðarþjóðfélagsins
breyttust bæði vörur og framleiðsla. Sem dæmi, þá er áætlað að við notum milli 10–20 þúsund mismunandi
efni til að framleiða yfir 70 þúsund efnasambönd. Úff!!
Úrgangur
er eitt þeirra vandamála sem við verðum að leysa. Staðreyndin er því miður sú
að ýmis umhverfisvandamál eru afleiðingar uppsöfnunar úrgangs (mengunar).
Dæmi
um þessi vandamál eru: Aukning gróðurhúsaáhrifa, eyðing ósónlagsins, súrt
regn, uppsöfnun þrávirkra lífrænna efna, þungmálma, skólps og sorps.
Umhverfisráðherra
er að fara á alheimsráðstefnu um hvernig þjóðir heims eigi að bregðast við
þessum vandamálum. Þið eruð sérfræðingar
í umhverfismálum og ykkar hlutverk er að semja greinargerð til að útskýra
eðli þessara vandamála fyrir ráðherra og koma með tillögur til úrbóta.
Framkvæmd:
- Vinnið í hópum 3-4 saman.
- Hver hópur velur sér
hópstjóra, sem skrifar niður nöfn og símanúmer allra í hópnum.
Hópstjórinn ber síðan ábyrgð á því að virkja alla einstaklinga hópsins
jafnt og að verkefnið verði tilbúið í tæka tíð.
- Búið til lista yfir
það sem þið vitið um viðfangsefnið. Þessar upplýsingar eru
geymdar undir fyrirsögninni: "Hvað vitum við?"
- Skráið einnig niður
hvaða upplýsingar þið þurfið til að leysa verkefnið og geymið þær undir
fyrirsögninni: "Hvað þurfum við að vita?"
- Skiptið með ykkur
verkum og ákveðið hver næstu skrefin verða í vinnunni. Undir
fyrirsögninni "Hvað eigum við að gera?" búið til lista
yfir hvað beri að framkvæma (t.d. að spyrja sérfræðing, fara á
bókasafnið, lesa kennslubókina, leita á netinu).
- Hópurinn hittist í
hverri kennslustund og hver einstaklingur miðlar til hinna því sem hann
hefur orðið áskynja. Bætið upplýsingum við "Hvað vitum við?",
"Hvað þurfum við að vita?" og "Hvað eigum við að gera?"
- Skrifið skýrslu um
viðfangsefnið. Sú skýrsla á að innihalda lýsingu á
vandamálinu, spurningarnar (Hvað vitum við/þurfum við að vita/eigum við
að gera), greiningu á viðfangsefnunum, ráðleggingar til ráðherra
og röksemdir fyrir þeim. Skýrslan á að vera unnin í
tölvu. Heimildaskrá þarf að fylgja með skýrslu.
- Skýrslu á að skila 29. apríl 2002.
- Í síðasta tíma verður
málstofa þar sem niðurstöður ykkar verða ræddar.
Einkunn:
Einkunn
verður gefin fyrir:
- Mætingu í
kennslustundir (10%),
- skýrslu (70%),
- nemendamat (20%).
Fjölbrautaskólinn við Ármúla
- María Björg Kristjánsdóttir og Sigurlaug
Kristmannsdóttir unnið í samstarfi
við Þórunni Óskarsdóttur, sjá: pbl.is/apríl 2002
|