Sætistala: 79
Atómmassi: 196,9665 u

Bygging atómsins: Rafeindir þess raðast upp á 6 hvolf í þessari röð (frá innsta hvolfi til þess ysta) 2,8,18,32,18,1. Það hefur 1 gildisrafeind, og það flokkast undir hliðarmálma.

Gull hefur verið þekkt frá ómunatíð. Um 3000 fyrir Krist voru gullhringar notaðir sem gjaldmiðill í Egyptalandi og gömlu Mesópótamíu. Þá var algengt að slá myntir úr gullinu eða skreyta vopn og skartgripi með því, líkt og gert er í dag. Einnig var gull notað í fyllingar af tannlæknum hérna áður fyrr.

Gullstöng

Gull má finna mjög víða t.d. í æðum og í möl í árfarvegum og það er yfirleitt alltaf í samböndum við önnur efni en má þó einnig finna sem hreinan málm úti í náttúrunni. Í dag kemur mestur hluti gullsins frá Suður-Afríku, Rússlandi, Bandaríkjunum og Ástralíu.

Gull er sá málmur sem auðveldast er að sveigja og teygja sem dæmi má nefna að ef notaður væri 1 g gullmoli þá mætti toga hann í 1 km langan þráð.

Hreint gull er sjaldan notað í eitthvað annað en gullstangir og safngripi eins og gullpeninga. Það er sökum þess að hreint gull er of mjúkt til þess að hægt sé að smíða úr því, þess vegna er því blandað með öðrum málmum eins og t.d. kopar þegar smíða á skart og hluti úr gulli.

Gull leiðir hita og rafmagn vel og tærist ekki auðveldlega og það fellur ekki á það í andrúmslofti eins og t.d. silfur sem dökknar með tímanum.

Heimildir:

http://visindavefur.hi.is/?id=2178
http://www.namsgagnastofnun.is/lotukerfi/Au.htm
http://www.webelements.com

Höfundur: Lucinda Árnadóttir, Nát123