NÁT 123, kennsluáætlun:

Markmið áfangans:

• Þekki helstu grunnhugtök efna- og eðlisfræði og nái að tengja þau við fyrri þekkingu og sitt daglega líf.  Sjá Aðalnámsskrá framhaldsskóla, náttúrufræði hluta.
• Þjálfist í grundvallarvinnubrögðum við tilraunir í efna- og eðlisfræði, kynnist söfnun gagna, túlkun og framsetningu niðurstaða.
• Þjálfist í nýtingu tölvu- og upplýsingatækni í námi sínu.
• Þrói með sér hæfileika til að vinna á áhrifaríkan hátt í hópum.
• Fái þjálfun í tjáningu og kynningu á efni sem þeir hafa unnið í tengslum við það námsefni sem sett er fyrir.
• Geri sér grein fyrir mikilvægi gagnrýninnar hugsunar og frumkvæði.

Viðfangsefni:

Í áfanganum eru tekin fyrir viðfangsefni úr náttúru og nútímatækni þar sem tvinnast saman nokkur grundvallar eðlis- og efnafræðilögmál og kenningar. Orkulögmálið er þungamiðja áfangans og ýmsar myndir þess tengdar tækni með íslenskar aðstæður að leiðarljósi.

Kennslugögn:

• Rúnar S. Þorvaldsson:  Eðlis- og efnafræði.  Orka og umhverfi.  Iðnú 2003.
• Upplýsingar af ýmsum toga sem nemendur afla sér hvar sem þær er að finna.

Kennsluskipulag:

Áfanganum er skipt í fjórar lotur sem nefnast:  Inngangur, efnafræði, eðlisfræði, og orka.  Í upphafi hverrar lotu verður nánar fjallað um markmið hennar og skipulag.  Leitast verður við að nota fjölbreytilegar kennsluaðferðir og virkja nemendur til sjálfstæðrar þekkingaröflunar.

Vinnuáætlun:

 

Vikur:
1.-3.	Inngangur
4.-9.	Efnafræði
10.-12.	Eðlisfræði
13.-14.	Orka

Námsmat:

 

Lota:	Verkefni og verklegar æfingar	Hlutapróf
Inngangur	10%
Efnafræði	10%	40%
Eðlisfræði	10%	20%
Orka	10%

Allir verða að taka hlutaprófin 2 með lágmarks meðaleinkunn 5 og skila 6 verkefnum af 7 á tilsettum tíma.  Ef þessu er ekki fullnægt telst áfanga ekki lokið.

Kennarar:

Guðfinna Björg Steinarsdóttir, líffræðingur
Guðrún Ingibjörg Stefánsdóttir, matvælafræðingur
Sigurlaug Kristmannsdóttir, líffræðingur