Magníum, verkleg æfing.

---

Inngangur:

Tilgagnurinn með þessari tilraun er að kanna ýmsa eiginleika magníums og að framkvæma efnahvörf.
Magníum er málmur og ef hann er skrapaður kemur eitt einkenni málma í ljós, en það er málmgljáinn. Magníum er mjög léttur málmur og hann brennur með skærum loga. Áður fyrr var þessi málmur notaður í flassperur þegar myndir voru teknar innan húss.

---

Efni og áhöld:

• Magníum
• Deiglutöng
• Gasbrennari
• Tilraunaglös
• Úrgler
• Saltsýra

---

Framkvæmd:

1. hluti: Taktu lítinn bút af magníum. Skrapaðu bútinn, t.d. með mynt. Skráðu niður hjá þér hvað í ljós kemur.

2. hluti: Taktu magníumbút í deiglutöng, haltu honum yfir úrgleri og færðu hann í gasloga. Ekki horfa beint í logann, heldur yfir hann. Skráðu niður það sem gerist.

3. hluti: Settu örlítið af saltsýru í tilraunaglas og bættu síðan magníumbút í sýruna. Fylgstu gaumgæfilega með því hvað gerist og skráðu það niður.

4. hluti: Endurtaktu nú fjórða lið, en hvolfdu þurru tilraunaglasi yfir glasið með saltsýrunni og magníumbútnum. Bíddu í u.þ.b. 10 sekúndur og berðu logandi eldspýtu að opinu á tóma glasinu um leið og þú tekur það frá. Passaðu að snúa glasinu ekki við. Skráðu niður hvað þú sérð og heyrir.

5. hluti: Finndu út hvort magníummálmur er eðlisléttari en vatn.

---

Skil:

• Skrifaðu skýrslu úr þessari æfingu samkvæmt kúnstarinnar reglum.  Hver einstaklingur skilar skýrslu.  Sjá um uppsetningu skýrslu. Í skýrslunni þurfa að koma fram svör við eftirfarandi spurningum:
  1. Er bruni á magníum efnahvarf eða ástandsbreyting?
  2. Við brunann þegar magníum hvarfast við súrefni, varð til gráhvítt efni. Hver er efnaformúla þess efnis og hvað heitir það?
  3. Er myndefni magíum brunans jónefni eða sameindaefni? Útskýrðu.
  4. Lýstu með efnajöfnu bruna magníums. Mundu að stilla efnajöfnuna.
  5. Skrifaðu efnajöfnu sem lýsir því þegar magníum leysist upp í saltsýru. Lýstu því sem gerist með orðum einnig.
  6. Í hverju kviknaði þegar eldurinn var borinn upp að opi tilraunaglassins?
  7. Magníum er mjög léttur málmur. Er magníum léttari eða þyngra en vatn?