Sætistala: 28
Atómmassi: 58,6934 u

Bygging atómsins: Nikkel hefur 28 róteindir (p⁺) í kjarna og 28 rafeindir (e^-) á braut um kjarnann, nifteindirnar (n°) eru því 30,7. Nikkel hefur eðlismassann 8,908 g/cm³.

Nikkel var uppgötvað árið 1751 í Stokkhólmi, Svíþjóð af Axel Fredrik Cronstedt.

Nikkel málmur.

Efnið hefur áhrif á togþol og vinnsluhæfni málma. Nikkel veldur því að járnfasinn verður meira kúlulaga, þannig að styrkur málmsins vex. Um 30% af málmum sem innihalda nikkel finnast í Ontario, Kanada en það er stærsta prósentuhlutfall þessara málma sem finna má á einu svæði.
Nikkel er silfurhvítur málmur sem hefur góða eiginleika til vera spegilsléttur.

Nafnið á málminum er stytting á þýska orðinu kupfernickel, en þýðir kopar djöfulsins eða kopar Nikulásar.

Nikkel er oft notað til að búa til ryðfrítt stál ásamt öðrum efnum. Það hefur löngum verið notað í smápeninga og má þar nefna bandarísk 5 centa peninginn, en hann er 25% nikkel og 75% kopar. Nikkel styrkir mýkri málma og er efnið sem framkallar grænan lit í gleri.

Nikkel leiðir hita og rafmagn ágætlega og blandað með kopar er það notað í stórum stíl í verksmiðjur sem breyta saltvatni í ferskvatn. Efnið er líka notað í vélarhluta sem mikið mæðir á s.s. öxla og gíra í bifreiðum, það er notað til í brynvarnir stríðstækja og blandað með kadmíum finnum við nikkel í rafhlöðum. Margir kannast við nikkel vegna þess hve mikið það er notað í skartgripi og hjá sumum getur það kallað á ofnæmisviðbrögð.

Höfundur: Helga Þórey Jónsdóttir, Ingunn Huld Kristófersdóttir og Lilja Björg Eiríksdóttir, Nát 123