Sætistala: 17
Atómmassi: 35,45 u

Bygging atómsins: Með 17 róteindir í kjarna og með 17 rafeindir á sveimi í kringum kjarnann. Á innstu rafeindabraut eru 2 rafeindir, á næstu eru 8 og þriðju og seinustu skipa 7 rafeindir. Í algengustu samsætunum eru 18-19 nifteindir.

Klór er gulgrænt að lit og er nafn þess, Chloros, komið úr grísku sem merkir gulgrænn.

Klór finnst aldrei eitt í náttúrunni, það er alltaf í efnasambandi. Oftast finnst það í efnasambandi við Natríum sem matarsalt (NaCl) og er klór einangrað úr því með rafgreiningu (Cl₂).

Klór er notað á margvíslegan hátt, m.a. er það mikið notað til að sótthreinsa sundlaugar, sem bleikiefni í pappírsiðnaði, í litarefni og í matvörur.

Það var uppgvötað af Karl William Sceele í Svíþjóð árið 1774 en hann hélt að það innihéldi súrefni og var það ekki nefnt fyrr en árið 1810 af Davy nokkrum sem hélt því fram að það væri frumefni.

Klór tilheyrir halógenhóp frumefna og er það algengast af þeim. Halógenfrumefnin eru saltmyndarar og er nafnið dregið af orðunum hals sem merkir salt og gen sem merkir myndun.

Klór er mjög hættulegt efni sem ertir öndunarfæri við innöndun og við snertingu brennir það húðina, getur það dregið mann til dauða eftir nokkra andardrætti. Það var notað í efnahernaði árið 1915.

Heimildir:

http://www.namsgagnastofnun.is/lotukerfi/Cl.htm
http://www2.fa.is/deildir/Efnafraedi/NAT123/sumar/lotukerfid/17.html

Höfundur: Steinunn Bjarnason, Nát 123