Beinhimna umlykur allt beinið nema liðbrjósk sem er á endum langra beina.

Beinhimna er gerð úr seigri bandvefshimnu og hefur mikla þýðingu fyrir starfsemi beins, til dæmis við vöxt og viðgerð þess.

Í beinhimnu myndast nokkurs konar forstigsbeinfrumur sem síðan breytast í beinmyndandi frumur (osteoblasts) sem síðar festast í lónum millifrumuefnis og verða að beinfrumum (osteocytes). Einnig myndast í beinhimnu beinátufrumur (osteoclasts) sem geta haft allt að 200 kjarna, þótt flestar hafi einungis 5-20.

Innra lag beinhimnunar sendir skilaboð til beinmyndandi fruma um að móta nýtt bein og undirbúa það til að mæta nýjum skilyrðum. Það er ríkt af taugaendum og blóðæðum og sér beininu fyrir næringu.

Öll liðbönd og sinar festast við beinhimnu þannig ef liðband slitnar þá er það oftast beinhimnan sem hefur gefið sig.