Krabbamein í eggjastokkum er tiltölulega sjaldgæfur sjúkdómur en er þó fjórða algengasta dánarorsök kvenna vegna þess hve erfitt er að greina það í byrjun. Einkennin eru svo smávægileg og nær engin fyrr en sjúkdómurinn hefur breiðst út, aðeins: vægir magaverkir, vindverkir og/eða verkir neðst í kviðarholi. Vökvi safnast stundum í kviðarholi og eggjastokkarnir bólgna jafnan. Konur sem komnar eru yfir fimmtugt eru í sérstökum áhættuhóp um að fá þennan sjúkdóm.