Efri kjálkabein.
Þau tilheyra andlitsbeinum og eru tvö talsins. Beinin, sem eru mjög óregluleg að lögun, renna saman og eru svokallaðir beinsaumar, sutura á milli þeirra. Þau mynda saman efri kjálka, hliðarveggi nefsins augntóftarbotna og framhluta beingóms. Beinin liggja að öllum andlitsbeinunum að undanskildum neðri kjálka. Í sameiningu eru beinin stærstu pöruðu andlitsbeinin. Að neðan mynda beinin beinplötu; beingóminn, palatum durum sem myndar nefholubotninn og efrihluta gómsins. Til hliðanna í efri hluta gómsins eru átta tannholur hvoru megin þar sem tennurnar í efri góm sitja. Innan í kjálkabeininu er holrými sem kallast kinnkjálkaholur, sinus maxillaris sem eru stærstu afholur nefsins og ganga þær inn í nef- og munnhol.