Gómbein.
Gómbeinin eru tvö og teljast til andlitsbeina. Þau eru áföst efri kjálka og aðskilja munnhol og nefhol. Beinin eru mjög óregluleg og myndast á sama hátt og önnur bein sem eru stutt, flöt eða óregluleg. Á gómbeinunum er lóðþynna sem myndar hluta af miðvegg kinnkjálkaholu og nær upp í nef. Á gómbeinunum er einnig sáldbeinskambur, crista ethmoidalis sem tengist sáldbeini, os ethmoidale í nefi og neföðukambur, crista conchalis sem tengist neðri neföðu nefs, concha nasalis.