|
Magabólga hefur sjaldan áhrif á slímhúð magans. Hún á oftast rætur að rekja í taugaveiklun og svo
líka af of krydduðum mat og óreglulegum máltíðum.
Einnig getur áfengisneysla í langan tíma haft áhrif.
Einkenni sem fylgja magabólgu geta verið mörg og margvísleg.
Þau helstu eru t.d. lystarleysi og klígja sérstaklega að morgni og maginn virðist sár við þuklun.
Meðferð. Aðallega er beitt lyfjameðferð sem minnkar myndun magasafa og dregur úr áhrifum magasýru.
Magabólga líður oft hjá á nokkrum vikum.
Magasár koma innan á magapokann eða á skeifugörn þegar safamyndunin í slímhúð magans
er ekki eðlileg. Saltsýran í maganum getur þá myndað sár.
Greinilegt er að streita og reykingar hafa áhrif á myndun magasárs.
Einkenni eru helst að maginn verður aumur neðan við bringspalir.
Ef sárið er í maga kemur verkur strax eftir að borðað er en sé það í skeifugörn
líður gjarnan einn til tveir klukkutímar þangað til verkur byrjar.
Meðferð. Í meðferð við magasári er reynt að draga úr magasafa með lyfjameðferð.
Mikilvægt er að njóta hvíldar og neyta rétts matarræðis. Ef sjúkdómurinn er mjög
slæmur getur verið nauðsynlegt að leggjast á sjúkrahús til meðferðar.
Magakrabbi byrjar oftast sem sár á slímhúð magans. Það gerist samt mjög sjaldan
að venjulegt magasár breytist í krabbamein.
Einkenni magakrabba eru mjög óljós, kannski væg meltingatruflun, lystaleysi og í einstaka tilfelli
uppköst. Á seinni skeiðum sjúkdómsins getur orðið vart slæmra verkja ofarlega í
kviðarholi, blóði í uppköstum eða hægðum og þyngdartapi.
Meðferð. Strax skal leita læknis ef ber á lystarleysi og meltingatruflun því
ef sjúkdómurinn greinist nógu snemma er hægt að skera burt æxlið ásamt hluta af
maganum og eru batahorfur þá nokkuð góðar. Ef ekki er hægt að nema æxlið brott er hægt að draga úr
sjúkdómnum með lyfja- og/eða geislameðferð.
|