- Ofstarfsemi kalkkirtla
- Með ofstarfsemi kalkkirtla er átt við þegar kalkkirtlarini mynda of mikið af kalkkirtilshormóninu. Ástæðurnar eru tvær:
- a) Lítið góðkynja æxli (kirtilæxli)
- b) Útbreidd stækkun allra fjögurra kirtlanna.
- Við ofstarfsemina eykst kalk í blóði á kostnað beinanna. Nýrun bregðast við með því að skilja kalkið út í þvagi en það hefur takmörkuð áhrif og hækkar því blóðkalkið smátt og smátt með árunum.
- Einkenni: Einkennin koma ekki í ljós fyrr en sjúkdómurinn er kominn á hátt stig en þá er einstaklingurinn í flestum tilfellum kominn á miðjan aldur. Sjúkdómurinngetur samt greinst fyrr vegna almennrar blóðrannsóknar eða rannsóknar vegna annars sjúkdóms. Ofstarfsemi truflar efnaskipti líkamans og vart verður við:
- Meltingartruflanir
- Þunglyndi
- Lin og óeðlilega brothætt bein
- Nýrnasteinar
- Meðferð: Hægt er að lækna sjúkdóminn endanlega með því að skera burt kirtilæxlið eða þrjá af kirtlunum fjórum, ef um útbreidda stækkun er að ræða. Eftir þess háttar aðgerð er hætta á að ekki verði nóg af kalkhormóninu til að viðhalda magni kalks í blóði.
|
Starfsemi kalkkirtils Til baka |
