Til baka
Vanstarfsemi kalkkirtla
    Með vanstarfsemi er átt við þegar kalkkirtlar mynda ekki nóg af kalkhormóni.  Sjúkdómurinn getur annars vegar verið þáttur í vanstarfsemi fleiri innkirtla eða hins vegar aðeins verið bundinn kalkkirtlunum. Orsök kvillans er óþekkt en hann er afar sjaldgæfur og leggst frekar á börn en fullorðna.
    Skortur veldur því að kalkinnihald blóðs og vefjavökva minnkar. Mikilvægt er fyrir taugakerfið að það sé nóg af kalki í blóði en vanstarfsemi kalkkirtla veldur því að taugaendarnir verða auðertanlegri og geta þannig losað boðefni sjálfkrafa. Það orsakar vöðvakippi sem geta endað með krampa. Krampar í vöðvum barkakýlis geta leitt til köfnunardauða.
       Einkenni:
  •             Sársaukafullir vöðvakippir í höndum,fótum og koki.
  •             Fiðringur og dofi í andliti og höndum
  •             Ský á augum
  •             Þurr húð
  •             Þunnt hár
  •             Sveppasýking í munni
  •             Sveppasýking í leggöngum
 
        Einkenni hjá börnum þar sem sjúkdómurinn hefur ekki verið greindur:
  •             Uppköst
  •             Höfuðverkur
  •             Vangefni
  •             Krampar
  •             Lélegur tannþroski
 
    Meðferðin:  Eftir að sjúkdómurinn greinist er þörf á ævilangri meðferð með D-vítamíntöflum sem bæta upp kalkmissinn í blóðinu. Ef sjúklingurinn fær mátulegan skammt af D-vítamíni getur hann lifað við góða heilsu. Samt sem áður er mikilvægt að mæla blóðkalkið á nokkurra mánuða fresti, til að kanna hvort vítamínskammturinn sé hæfilegur.
Ofstarfsemi
Starfsemi kalkkirtilsins
Til baka
 
Höfundar: Kristín G. Sigursteinsdóttir og  Sigríður Eva Guðmundsdóttir.
Vefari:  Sigríður Eva Guðmundsdóttir.