Af hverju stafa hryggjavandamál?

Líkamlega

Þeir sem vinna erfiðisvinnu fá ekki frekar bakvandamál  en þeir sem vinna létta vinnu.  Ástæðan er talin vera sú að þessir aðilar hafi þjálfað upp sterkari vöðva einmitt vegna þess að þeir vinna erfiðisvinnu.  Oft er það jafnvel þannig að í vinnu þar sem takmörkuð hreyfing er, eru bakverkir algengari, til dæmis hjá riturum og afgreiðslufólki á stórmörkuðum.  Konur hafa minni vöðva en karlar og því eru slík vandamál algengari hjá konum. 

Hlutfallslegur styrkur vöðvans miðað við það álag sem á hann er lagt hefur áhrif  á verki í stoðkerfið.  Bakverkir eru í raun mest álagssjúkdómar. 

Eftir því sem fólk verður eldra þeim mun meiri líkur eru á því að ákveðnir sjúkdómar hrjáir það, má hér nefna til dæmis liðagigt, slitgigt, úrköklun, sýkingar, æxli og þunglyndi.  Hjá yngra fólki er algengara að brjósklos valdi bakverk eða að hann sé álagsbundinn. Yfirgnæfandi hluti bakverkja er álagsbundinn og aðeins lítill hluti er orsakaður af þeim sjúkdómum sem að ofan eru nefndir. TIl dæmis er slæmt fyrir bakið að vinna í óeðlilegum stellingum, t.d.að lyfta mikið af þungum hlutum. 

Með rannsóknum má sjá að reykingar eru eini þátturinn sem skiptir jafnmiklu máli og andleg vanlíðan fyrir þróun bakverkja.

Andlega

Alþjóðlega verkjanefndin skilgreinir verki sem óþægilega og tilfinningalega upplifun í sambandi við skaða á vefum eða  ef hætta er á að slíkur skaði verði.  Með öðrum orðum þýðir þetta að skaðinn þarf ekki að vera til staðar til þess að maður finni fyrir verkjum. Heilinn tekur á móti margskonar skynboðum frá líkamanum, meðal annars geta  hræðsla, óróleiki, þunglyndi og þreyta túlkast sem verkir.

Það hefur verið sýnt með rannsóknum að vanlíðan í vinnu sé stærsti óháði þátturinn sem stuðlaði að langverandi bakverkjum.  Aldur, kyn, hreyfanleiki, vöðvastyrkur, vinnuálag og þol skipta saman minna máli heldur en vanlíðanin ein og sér.  Fólk sem upplifðir vinnuna sem erfiða, þreytandi, leiðinlega og einhæfa er í  meiri hættu á að fá  bakverki en það fólk sem hefur ánægju af starfi sínu.  Ef fólk er spurt hvort því finnist eitthvað erfitt í vinnunni þá talar fólk mun oftar um andlegt álag heldur en líkamlegt. 

Vellíðan í lífinu skiptir höfuðmáli ef maður vill losna við  að þjást af bakverkjum.

Niðurstöður rannsókna sýna fram á  að streita og vanlíðan hafa meira að  segja um bakverki heldur en þrek, vöðvastyrkur, hreyfigeta,aldur og kyn saman.