Óreglulegar blæðingar eru algengastar hjá stúlkum á táningsaldri og hjá konum rétt fyrir tíðahvarf. Ójafnvægi í hormónastarfsemi er í flestum tilfellum ástæðan fyrir þessari röskun á tíðahringnum en þó geta fjölmargar aðrar ástæður spilað þar inn í og er afar persónubundið. Það þarf ekki annað en að einhver röskun verði á tilfinningalegu jafnvægi konunnar.

Yfirleitt tengist þetta ójafnvægi estrógens í líkamanum. Litlar og langvarandi blæðingar stafa af of litlu magni estrógens í blóði rétt eins og of mikið magn getur orðið til þess að blæðingar falla í eitt skipti alveg niður en verða þess í stað afar miklar næsta mánuðinn.

Of lítið prógesterón í blóði getur verið orsökin að miklum og langvarandi blæðingum.