Greining og ráðstafanir: 
Fái einhver eitt flog er hann ekki endilega með flogaveiki. Flogaveiki verður ekki greind fyrr en að nokkrum köstum liðnum. 
Í sumum tilfellum getur verið erfitt að greina sjúkdóminn en oftast er sjúklingurinn sendur til sérfræðings. Hægt er að staðfesta grun um flogaveiki með heilariti sem mælir virkni rafboða í heilanum. Þessi rannsókn getur einnig staðsett upptök floganna og greint gerð þeirra. Vefrænir sjúkdómar í heila geta orsakað flog og er þá unnt að greina með myndgreiningaraðferðum, tölvusneiðmynd og segulómskoðun af heilanum. Yfirleitt er flogaveiki meðhöndluð með lyfjagjöf. Í flestum tilfellum þarf að gera grein fyrir eðli sjúkdómsins áður en hægt er að hefja lyfjagjöf.